तिमी गयौ परदेश
हामी युवा खोज्दै खोज्दै
भौतारियौं स्वदेश
तिमीले सोच्यौ विदेशमा
खुब गर्ने कमाई
तै कमाइको आशामा त
तिमी भयौं पराई
तल्ला घरे ठुल्दाईले
छाडे आफ्नो प्राण
मलामी नी नभएर
कसले देला दान ?
सबै युवा पराई भर
बढ्न थाल्यो त्रास
उठ्न लाग्यो गरिबकोदेशबाट बास
हिजो नि पारी गाउँको
कान्छो मरि आयो
उसको प्राण मेशिनले
निचोरेर खायो
तिमी आउँछौं भन्दै आमा
विहान बाटो कुर्छिन
बेलुकी नी साँझ पर्दा
डाँडा माथि हुन्छिन्
माया भन्दा तिम्रो कमाई
मलाई छैन प्यारो
दुःखो जिलो गरेर नै
खाउँला गिलो सारो
कालो बादल आकाशमा
चारै तिर छायो
झट्टै आउन मेरो माया
देशै डुब्न लाग्यो
झट्टै आउन मेरो माया
देशै डुब्न लाग्यो
Hari Dahal
1 comment:
Nice one dai. Mero blog ma pani headers haru rakhnu 6 bt how
Post a Comment